كلمات : شيماء اليوسف
أنا حضن أمي اللي استناني
ومشفتوش
أنا ضحكة العيد اللي بكى
ومعيدتوش
أنا الدم اللي راح بلاش
أنا الورد اللي دبحه خاين
غشاش
أنا العود اللي عزف دموعي
ومشفهاش
أنا صوت مكتوم في صدري
صرخ ومستناش
أنا كلمة حق على لسان مظلوم
سكت ومقلهاش
أنا لحن حزين بناي سجين لفرحه
محسهاش
أنا دمعة المر اللي قتلتني
ومبكتهاش
أنا كل نبضة قلب في كل حر
عاش
أنا أبنك اللي راح يصون ترابك
ومجاش
أنا الطير اللي رفرف عطشان
ومرتواش
أنا الأيادي اللي بنت عزه
ومكملتهاش
أنا اللي سرت أحميكي وعيوني
مغمضتهاش
أنا الأمل اللي رسمت أحلامك
مهدمتهاش
أنا اللي كل ما تفتكرني تقول خساره
ده لسه متهناش
أنا فجر شقشق في صباح الحريه
تاني مينمش
أنا روح شعب على حقه لازمه
ميسكتش
أنا اللي هأفضل أحبك
وميأسش
أنا اللي لو تطلبي عيني أهديكي
روحى ومتأخرش
أنا الشهيد اللي مات فداكي
ومزعلش
